''गुलामगिरी'' - अरुण बोऱ्हाडे (कवी, कामगार नेते)

गुलामगिरी !

भारतीय राज्यघटनेचा

आम्ही आदर करतो.

तरिही आम्ही कष्टकऱ्यांना

भरदिवसा लूटतो !

लूटारूंच्या टोळ्या आम्ही

राजकारणासाठी वापरतो !

गुलामगिरी विरोधात लढले,

देशभक्त आणि क्रांतिकारक.

मायभूसाठी त्यांनी बलिदान दिले,

हेही आम्हांला ठाऊक आहे.

आता आम्ही स्वतंत्र भारतात

कष्टकऱ्यांची नवी गुलामगिरी आणणार !

नकोत आंम्हा देशभक्त कोणी !

नको आंम्हाला मार्क्सवाद, साम्यवाद,

नको लोकशाही समाजवाद..!

नकोच कोणाचा आदर्शवाद !

आंम्हाला हवाय कोणत्याही

राजकीय नेत्याचा फक्त आशिर्वाद !

मग बघा आम्ही धिंगाणाच घालणार..

रिक्षावाले, पथारीवाले यांना हप्ते ठरविणार.

हमाल, माथाडी, बांधकाम मजूरांची दलाली

आणि सर्वच कष्टकऱ्यांची लूटमार करणार !

मग शहरातील मान्यवर आमची दखल घेतील,

प्रतिष्ठित म्हणून तेच आमची उठबैस करतील !

कष्टकऱ्यांच्या श्रमाचे आणि रक्ताचे

आम्ही सर्वांसमोर शोषण करणार !

आम्ही लोकशाही राज्यात राहूनच,

पुन्हा नवीन गुलामगिरी आणणार !!

'अरुणधारा'